أهمية رياضة الأسكيت رولر أو الباتيناج

أنواع الدراجات الهوائية. والفرق بينهم. إن رياضة الدراجات الهوائية رياضة يستفيد منها الجسم بشكل كبير جدا وزياده لياقة الجسم بشكل ملحوظ.كما إنها هواية للأطفال والكبار للاستمتاع بها في الحياة اليومية.

أنواع الدراجات الهوائية. والفرق بينهم. معظم الناس حاليا عايزين يجيبوا دراجة للاستفادة منها من الرياضة والتنقل بدل المواصلات وتجنب الزحام ولكن معظم الناس لا تعرف أنواع الدراجات وأيه هو الفرق بينهم عشان يحدد هوه عايز يجيب أيه ماتقلقش فى المقاله هتفهم أنواع العجل والفرق بينهم. هشرحلك 5أنواع دراجات والفرق بينهم. عندنا أشهر 3 أنواع معظم الناس عرفاهم.

أولا:دراجات الطريق (Road bike).

Road Bike

ودي الدراجة اللي كلنا نستغرب من شكل الجادون بتاعها وحجم الكاوتشات كمان، لكن دي بتكون عوامل مساعدة على زيادة السرعة. لأن الكاوتش الرفيع اللي بيكون ملامس للأرض. بيكون بيلامس بمنطقة مساحتها صغيرة فبيكون الاحتكاك أقل، فتزيد سرعة العجلة.والجادون المايل علشان الدراج يقدر ينزل بجسمه لتحت علشان احتكاك الهواء يكون أقل ويقدر يخترق الهواء بسلاسة فيكون أسرع، والدراجة دي أسرع الدراجات بين الأنواع الثلاثة وأخف منهم في الوزن.

ثانيا:الدراجات الجبلية (mountain bike).

Mountain Bike

ودي العجله اللي كلنا نعرفها،وهي فيها مساعد أمامي يمتص الصدمات اللي بتكون في الأرض واستخدامات العجلة دي بتكون في الطرق اللي فيها تكسير كتير وبتكون سرعتها قليلة.

ثالثا:دراجات الهجين (hybrid bike).

Hybrid Bike

والعجلة دي بتكون نوع هجين بين الـ Road bike وال Mountain bike بتاخد بعض المزايا من كل نوع حيث أنها أسرع من الـMountain bike وتستحمل عن الـ Road bike وأكثر راحة منها أثناء القيادة لكن مش أسرع منها على الطريق وتنفع تمشي بيها في معظم الطرق اللي تقابلك.

ودلوقتى عندنا نوعين تانى ممكن ميكونش حد عارفهم اوى.

اولا:دراجات السرعة (Time Trial Bike).

 Time Trial Bike 

ودي بتكون عجلة فيها جميع مواصفات الـRoad bike وزيادة عنها كمان في جزء الAerodynamic(أختراق الهواء)يعنى ايه الكلام ده. بيكون ليها جادون خاص الدراج يقدر يفرد عليه جسمه أكتر علشان يخترق الهواء بصورة أدق وكمان الكادر الخاص بالعجلة بيكون ليه تصميم خاص يخترق الهواء ودى بتستخدم أكثر في سباقات الترايثلون.

ثانيا:دراجات المنحدرات والجبال (downhill bike).

Downhill Bike 

وهي عباره عن أنها بتكون فيها جميع مواصفات الـ Mountain bike ولكن زياده عنها في قدرة التحمل علشان كده بيكون فيها مساعد تحت الكرسى بالظبط علشان الطرق الوعرة واستخداماتها بتكون في الأماكن الحجرية و الصخرية الوعرة والمنحدرات.